Valencia CF

Второто купско дерби сепак не донесе никакви изненадувања. Валенсија на време го завери својот билет за полуфиналето најмногу благодарејќи на одличната игра на Пиати и младиот Бернат. Во овој дуел сè веќе беше решено на Местаља, а Леванте дури и не успеа да слави на домашен терен против својот вечен ривал.

Хуан Игнасио и Емери го искористија натпреварот за да пробат некои нешта во тимот. Во екипата на Валенсија, Баскиецот им даде шанса на неколку играчи кои обично не се наоѓаат во почетниот состав, а некои од нив одлично ја искористија таа шанса.

Тоа беше случајот со Хуан Бернат. Младиот фудбалер од резервната екипа на Валенсија од најголемо изненадување во претсезоната, исчезна по само еден настап во домашното првенство и тоа во првото коло против Расинг Сантандер на Местаља. Бернат не разочара и вчера кога асистираше во првите два гола и направи доста нешта со кои докажа дека има место во првата екипа. Дури можеше и да постигне гол на крајот од првото полувреме по нафрлената топка од бараган, кога ја погоди пречката на противничкиот гол.

Друг кој ја искористи својата шанса беше Пабло Пиати. Аргентинецот вчера погоди уште два пати, со што го зголеми бројот на 3 постигнати голови против Леванте во овој двобој. Нему можеби повеќе му требаше да се адаптира на новата средина, но токму вчера Пиати покажа зошто беше донесен од страна на Браулио во Валенсија. Оној кој повторно испушти шанса да се докаже и кој беше незабележителен на теренот, беше Дани Парехо.

Полуфинале четири години подоцна
Екипата на Валенсија после четири години успева да се пласира во полуфинале од едно натпреварување, и тоа во истото како и последниот пат, Копа дел Реј и тоа против истиот противник Барселона. Тогаш во 2008 година, Валенсија успеа да ја освои титулата во купот, а сега својата шанса да стигне до финале ќе ја има и Унаи Емери.

Технички податоци:
Реванш дуел, 1/4 финале, Копа дел Реј 2011-12

Levante UD 0: Munúa, Pallardó, Serrano, Rafa Jordà, Iborra (X. Torres, min. 70), Botelho (Higón, min. 64), Del Horno, Ballesteros, Rubén (Roger, min. 70), Cabral и Iván.

Valencia CF 3: Alves, Albelda, Aduriz, Barragán, Piatti, J. Alba (Bruno, min 70), Víctor Ruiz (Feghouli, 78), R. Costa, Dani Parejo, Tino Costa (Ever, min. 64) и Bernat.

Голови:
0-1 Min. 25 Aduriz
0-2 Min. 29 Piatti.
0-3 Min. 85 Piatii.

Судија: Iglesias Villanueva (Галиција)

Жолти картони:
Del Horno, Botelho, Serrano, Ballesteros и Xavi Torres (Лев)
Ever (Вал):

Црвен картон:
Serrano (min. 71) поради два жолти картони (Лев).

Стадион: Ciutat de València (12.000 гледачи).

Головите на средбата:

Играњето на полу-финале во Копа дел Реј е возбудливо, а имајќи ја можноста за елиминација на Барселона која моментално е една од најдобрите светски екипи претставува предизвик. Сепак за сето тоа да се случи преостанува уште последниот чекор вечерва. На стадионот „Сиутат де Валенсија“ вечерва ќе се одлучува за последниот патник во полу-финалето од Шпанскиот Куп, каде Валенсија има огромна предност од првиот натпревар на Местаља, каде резултатот гласеше 4-1 за фудбалерите на Унаи Емери.

Во Валенсија сите се свесни што имаат во рацете, но сепак беа предупредени дека вечерашниот натпревар сепак треба да се одигра без главите на фудбалерите да се наоѓаат во полу-финалето. Неизбежно е да се мисли на Барселона, но тоа барем вечерва Емери треба да проба да го ограничи. Идејата на Баскиецот е да се излезе на стадионот на Леванте со брзо постигнување на гол, што би значело и конечен пласман на Валенсија во следната фаза, бидејќи домаќините ќе имаат речиси недостижна цел за постигнување на 4 голови.

Можен состав:
Alves,
Barragán, Ricardo Costa, Víctor Ruiz, Jordi Alba;
Albelda, Tino Costa,
Feghouli, Parejo, Bernat;
Aduriz.

На само пет минути до крајот на средбата на Рејно де Навара ситуацијата изгледаше совршено за Валенсија која по голот на Роберто Солдадо од единствената шанса и неколкуте одлични одбрани на Диего Алвеш, ќе однесеше полн плен на Местаља. Сепак во последната минута по заслуженото исклучување на Давид Албелда, се случи изедначувањето на резултатот по голот на Лоло во последните моменти од средбата.

Во првото полувреме се играше малку фудбал. Без крила и со трио на средината од теренот, фудбалерите на Унаи Емери залудно се обидуваа да го поминат противничкото поле кое беше исполнето со фудбалери во црвени дресови. Единствен кој создаваше некакви шанси и со својата брзина успеваше да мине покрај противниците, беше Французинот Софијан Фегули. Сепак најблиску до шанса за гол во првото полувреме ја имаше токму Бразилецот Жонас кој издрибла неколку противнички фудбалери пред противничкиот шеснаесетник но ја упати топката над рамката на голот.

Во вториот дел, Унаи Емери започна со планот Б по само 10 одиграни минути. Влегоа Адуриз и Бернат на местото на Жонас и Банега, се формираше формацијата 4-4-2 и со игра по крилата се создаде подиректна игра. Стилот се промени но играта многу не се подобри.

Кога изгледаше дека натпреварот ќе заврши со почетниот резултат, Солдадо ја искористи единствената шанса за гол, играјќи со глава по центар шутот на Тино Коста, со што успеа да го совлада противничкиот голман. Сепак домаќините не се откажаа до крајот и по исклучувањето на Давид Албелда и слободниот удар од средината на теренот успеаја да нафрлат пред Диего Алвеш кој ја одби топката, која пак заврши во нозете на Лоло кој од таму неможеше да промаши.

Технички податоци:
1 коло, Ла Лига 2011-12

CA Osasuna 1: Andrés, Bertrán, Flaño, Nekounam (Lolo, min. 78), Leka, Puñal, Raúl García, Cejudo, Lamah (Nino, min. 66), Sergio и Satrustegui (Timor, min. 86).

Valencia CF 1: Alves, Rami, Albelda, Jonas (Aduriz, min. 56), Feghouli (Bruno, min. 88), Soldado, Ever (Bernat, min. 56), Barragán, Dealbert, Jordi Alba и Tino Costa.

Голови:
0-1 Min. 83 Soldado.
1-1 Min. 91 Lolo.

Судија: Teixeira Vitienes (Кантабрија)

Жолти картони:
Nekounam, Cejudo, Bertrán, (Оса)
Jordi Alba, Barragán и Feghouli, (Вал)

Црвен картон:
David Albelda (Вал).

Стадион: Reyno de Navarra (15.000 гледачи) .

Утрово нема спиење за фудбалерите на Валенсија, бидејќи теренот на Осасуна, Рејно де Навара е место кое не простува грешки. Натпреварот е закажан за 12 часот, па така играчите на Емери ќе треба да бидат добро расонети и убаво појадувани за да се вратат во форма во домашното првенство по поразот минатата недела од Реал Сосиедад на домашен терен, колку и да не им одговара денешниот термин.

Стартниот состав на Валенсија:
Diego Alves;
Barragán, Rami, Dealbert, J. Alba;
Albelda, T. Costa, Éver;
Feghouli, Soldado, Jonas.

Интензитет, емоции, искри, голови и секако фудбал. Сето тоа можеше да се види на теренот на Местаља во првиот натпревар од 1/4 финалето во Копа дел Реј, каде победник од битката за градот излезе Валенсија. Четири удари во форма на голови оставаат еден загрижен Леванте и Валнсија која се наоѓа сè поблиску до пласман во полуфиналето од купот на Шпанија.

Играчите на Унаи Емери излегоа мотивирани на Местаља и за само пет минути, веќе три пати се заканија кон голот на Кејлор Навас. Сето тоа беше доста лесно со стартната напаѓачка двојка Солдадо и Жонас, кои беа придружувани од Пиати и Жорди Алба како и одличниот на вчерашниот натпревар, Пабло Ернандез.

Токму Пабло беше одговорниот за првите три голови на натпреварот, пронаоѓајќи ги Жонас, Солдадо и Пиати. Првата асистенција на Пабло Ернандез беше до Бразилецот Жонас Гонсалвез кој успеа да се вметне зад крајните дефанзивци на Леванте и да го отвори резултатот на Местаља.

За само 5 минути, по нафрлената топка од Пабло, топката се одби од Хави Вента, и дојде до нозете на Роберто Солдадо кој го постигна и вториот гол за Валенсија вечерва.

Играчите на Леванте за момент успеаја да се вратат во натпреварот по голот на Коне, но можеби најважниот психолошки гол го постигна Пабло Пиати во последните моменти од судиското продолжение, исто така по асистенцијата на Пабло Ернандез, што значеше огромна предност за Валенсија пред полувремето. Интересно е што ова беше првиот гол на Пабло Пиати на официјален натпревар откако потпиша за Валенсија.

Второто полувреме не започна со истиот интензитет од првиот дел, па затоа се појавија и искрите помеѓу фудбалерите кои се својствени за градското дерби какво што е Валенсија – Леванте. Сепак можеби оној кој ќе ја однесе Валенсија во полуфиналето е токму Тино Коста, кој со својот гол во последните моменти од средбата и донесе огромно водство на Валенсија од 4-1 и го приближи полуфиналето до Местаља.

Технички податоци:
Прв натпревар, 1/4 финале Копа дел Реј 2011-12

Valencia CF  4: Alves; Barragán, Rami, Víctor Ruiz, Jordi Alba; Tino Costa, Albelda; Pablo Hernández (Feghouli, min. 68), Piatti (Éver, min. 74), Jonas (Aduriz, min. 84); Soldado.

Levante UD 1: Keylor (Munúa, min. 46); Javi Venta, Ballesteros, Cabral, Juanfran; Iborra, Torres, Pallardó; Barkero (El Zhar, min. 11), Roger (Rafa Jordá, min. 72); Kone.

Голови:
1-0 Min. 25, Jonas.
2-0 Min. 30, Soldado.
2-1 Min. 37, Koné.
3-1 Min. 45, Piatti.
4-1 Min 93, Tino Costa.

Судија: Paradas Romero (Андалузија).

Жолти картони:
Soldado, Jonas, Tino Costa и Jordi Alba (Вал)
Xavi Torres, Cabral, Roger, Juanfran и Iborra (Лев).

Стадион: Camp de Mestalla. (39.000 гледачи).